Mércores mércores
Coa ilusión que nos facía porque tiñamos previsto ir á praia, pero Lorenzo decidiu que hoxe non saía e iso que onte dicía que sairía todo o intre… aínda que esperamos ata o último momento para decidir non houbo maneira, e ás 14 déuselle por aparecer ao traveso jejejeje
Así que tivemos que improvisar un pouquiño, os pequenos terminamos as nosas camisetas e puidemos ver outro pouquiño de cinema.
Ademais estivemos a terminar o noso mural sobre Margaret Keane que poderedes ver mañá no blog, e se escollemos a esta artista foi porque ten uns cadros moi bonitos e porque como outras tantas grandes artistas tivo que esconder a súa autoría sobre as súas obras baixo o nome do seu marido, e non, iso non acabou nada ben…
Tamén aproveitamos e pintamos as nosas follas das árbores.
E os maiores pois tamén fixemos nutro mural artístico, vimos unha peli e fixemos as camisetas, bo, terminando…
Un día de relax, pero mañá será moi especial e movido, porque é final de quenda para algúns.
Mañá entregamos as camisetas, recomendámosvos pasala o ferro ao revés ( costuras cara a fóra) antes de lavalas, para que así duren máis tempo os debuxos.
No hay comentarios:
Publicar un comentario